Litaniae de Sancto Benedicto

Kyrie eleison.
Christe eleison.
Kyrie eleison.

Christe audi nos.
Christe exaudi nos.

Pater de caelis Deus, miserere nobis. miserere nobis.
Fili Redemptor mundi Deus, miserere nobis.
Spiritus Sancte Deus, miserere nobis.
Sancta Trinitas unus Deus, miserere nobis.

Sancta Maria, ora pro nobis.
Sancta Dei Genetrix, ora pro nobis.
Sancta Virgo Virginum, ora pro nobis.
Sancta Maria speculum monasticae perfectionis, ora pro nobis.
Sancte Patre Benedicte, ora pro nobis.
Sancte Benedicte amator castitatis, ora pro nobis.
Sancte Benedicte amator patientiae, ora pro nobis.
Sancte Benedicte amator caritatis, ora pro nobis.
Sancte Benedicte amator omnium virtutum, ora pro nobis.
Sancte Benedicte bone consolator afflictorum, ora pro nobis.
Sancte Benedicte benigne dilector proximorum, ora pro nobis.
Sancte Benedicte bone custos fratrum tuorum, ora pro nobis.
Sancte Benedicte imitator Iesu Christi, ora pro nobis.
Sancte Benedicte amator crucis, ora pro nobis.
Sancte Benedicte contemptor mundi, ora pro nobis.
Sancte Benedicte calcator saeculi, ora pro nobis.
Sancte Benedicte contemptor mundanarum voluptatum, ora pro nobis.
Sancte Benedicte profligator cacodaemonum, ora pro nobis.
Sancte Benedicte dux sacrae militiae, ora pro nobis.
Sancte Benedicte auctor nostrae religionis, ora pro nobis.
Sancte Benedicte instaurator vitae monasticae ora pro nobis.
Sancte Benedicte doctor disciplinae, ora pro nobis.
Sancte Benedicte speculum perfectionis, ora pro nobis.
Sancte Benedicte stella religionis, ora pro nobis.
Sancte Benedicte decus Ecclesiae Catholicae, ora pro nobis.
Sancte Benedicte regula paupertatis, ora pro nobis.
Sancte Benedicte flos castitatis, ora pro nobis.
Sancte Benedicte magister oboedientiae, ora pro nobis.
Sancte Benedicte magister discretionis, ora pro nobis.
Sancte Benedicte exemplum humilitatis, ora pro nobis.
Sancte Benedicte norma abstinentiae, ora pro nobis.
Sancte Benedicte praeceptor taciturnitatis, ora pro nobis.
Sancte Benedicte flos pietatis, ora pro nobis.
Sancte Benedicte flos religiositatis, ora pro nobis.
Sancte Benedicte flos sanctitatis, ora pro nobis.
Sancte Benedicte decor totius honestatis, ora pro nobis.
Sancte Benedicte lux devotionis, ora pro nobis.
Sancte Benedicte lux orationis, ora pro nobis.
Sancte Benedicte lux contemplationis, ora pro nobis.
Sancte Benedicte exemplum fratrum tuorum, ora pro nobis.
Sancte Benedicte exemplum religiosorum, ora pro nobis.
Sancte Benedicte exemplum virtutum omnium, ora pro nobis.
Sancte Benedicte templum S. Spiritus, ora pro nobis.
Sancte Benedicte protector ad te clamantium, ora pro nobis.
Sancte Benedicte protector tui ordinis, ora pro nobis.
Sancte Benedicte Patriarcha Monachorum, ora pro nobis.
Sancte Benedicte pater tuorum devotorum, ora pro nobis.
Sancte Benedicte resuscitator mortuorum, ora pro nobis.
Sancte Benedicte operator miraculorum, ora pro nobis.
Sancte Benedicte assecla Patriarcharum, ora pro nobis.
Sancte Benedicte compar Prophetarum, ora pro nobis.
Sancte Benedicte sectator Apostolorum, ora pro nobis.
Sancte Benedicte similis Martyrum, ora pro nobis.
Sancte Benedicte gemma Abbatum, ora pro nobis.
Sancte Benedicte imitator Anachoretarum, ora pro nobis.
Sancte Benedicte gloria Confessorum, ora pro nobis.
Sancte Benedicte consors Virginum, ora pro nobis.
Sancte Benedicte collega SS. Omnium, ora pro nobis.
Sancte Benedicte victor et triumphator tentationum, ora pro nobis.
Sancte Benedicte victor et triumphator mundi, ora pro nobis.
Sancte Benedicte victor et triumphator daemonum, ora pro nobis.
Sancte Benedicte qui in flore aetatis mundum cum delitiis contempsisti, ora pro nobis.
Sancte Benedicte qui despectis litterarum studiis ad eremum confugisti, ora pro nobis.
Sancte Benedicte qui fractum capisterium precibus reparasti, ora pro nobis.
Sancte Benedicte qui a Romano habitum monasticum suscepisti et in spelunca es sustentatus, ora pro nobis.
Sancte Benedicte qui a Praesbitero in die Paschatis refectionem percepisti, ora pro nobis.
Sancte Benedicte qui te nudum in spinarum aculeis et urticarum incendiis volvens, foedam libidinis flammam extinxisti, ora pro nobis.
Sancte Benedicte qui cruce vitrum veneno infectum fregisti, ora pro nobis.
Sancte Benedicte qui indociles relinquens aliis pabulum caelestis doctrinae praebuisti, ora pro nobis.
Sancte Benedicte qui multos Christo filios genuisti, ora pro nobis.
Sancte Benedicte qui monachum vagum virga sanasti, ora pro nobis.
Sancte Benedicte qui fontem in rupe precibus impetrasti, ora pro nobis.
Sancte Benedicte qui falcastrum ex aqua ad manubrium reduxisti, ora pro nobis.
Sancte Benedicte qui Maurum super aquas currere iussisti, ora pro nobis.
Sancte Benedicte qui panem venenatum corvo abiiciendum tradidisti, ora pro nobis.
Sancte Benedicte qui de interitu inimici doluisti, ora pro nobis.
Sancte Benedicte qui absentia spiritu cognovisti, ora pro nobis.
Sancte Benedicte qui prophetico spiritu multa praedixisti, ora pro nobis.
Sancte Benedicte qui clericum obsessum liberasti, ora pro nobis.
Sancte Benedicte qui occulta cordium inspexisti, ora pro nobis.
Sancte Benedicte qui ducentos farinae modios caelitus obtinuisti, ora pro nobis.
Sancte Benedicte qui absentes in somno docuisti, ora pro nobis.
Sancte Benedicte qui excommunicationis terrore perculsas post mortem in sepulcro quiescere fecisti, ora pro nobis.
Sancte Benedicte qui morbos curasti, ora pro nobis.
Sancte Benedicte qui pecuniam indigenti caelitus obtinuisti, ora pro nobis.
Sancte Benedicte qui liberalissimus in egenos fuisti, ora pro nobis.
Sancte Benedicte qui vas vacuum oleo tuis precibus implesti, ora pro nobis.
Sancte Benedicte qui vinctum solo aspectu solvisti, ora pro nobis.
Sancte Benedicte qui mortuos excitasti, ora pro nobis.
Sancte Benedicte qui sororis tuae animam in columbae specie caelos penetrare vidisti, ora pro nobis.
Sancte Benedicte qui sub uno solis radio totum mundum collectum conspexisti, ora pro nobis.
Sancte Benedicte qui animam Germani Capuani Episcopi in sphaera ignea ab Angelis in caelum deferri cum gaudio intuitus fuisti, ora pro nobis.
Sancte Benedicte qui fratribus mortis tuae horam praedixisti, ora pro nobis.
Sancte Benedicte qui sacro viatico munitus inter discipulorum orationes foelicem Deo animam reddidisti, ora pro nobis.
Sancte Benedicte qui recto orientis tramite per viam stratam palliis, et innumeris coruscam lampadibus caelum ascendisti, ora pro nobis.
Sancte Benedicte qui inter angelicos choros Deum sine intermissione laudas et glorificas, ora pro nobis.

Propitius esto, Parce nobis Domine.
Propitius esto, Exaudi nos, Domine.

A praevaricatione mandatorum tuorum, libera nos, Domine.
A transgressione votorum nostrorum, libera nos, Domine.
Ab incursu omnium malorum, libera nos, Domine.
Per sanctam conversionem Patris nostri Benedicti, libera nos, Domine.
Per exemplarem vitam eius, Libera nos Domine, – libera nos, Domine.
Per sanctam paupertatem eius, libera nos, Domine.
Per ardentissimam caritatem eius, libera nos, Domine.
Per mundissimam castitatem eius, libera nos, Domine.
Per profundam humilitatem eius, libera nos, Domine.
Per ferventissimas orationes eius, libera nos, Domine.
Per sancta ieiunia eius, libera nos, Domine.
Per sancta silentia eius, libera nos, Domine.
Per admirabilem abstinentiam eius, libera nos, Domine.
Per merita et intercessiones eius, libera nos, Domine.

Peccatores, Te rogamus, audi nos.
Ut perfectum amorem tuum effundere, et in nobis conservare digneris, Te rogamus, audi nos.
Ut fraternam caritatem in nobis fovere digneris, Te rogamus, audi nos.
Ut mundi illecebras et carnis voluptates in nobis domare digneris, Te rogamus, audi nos.
Ut perfectam mortificationem sensuum et propriae voluntatis nostrae nobis donare digneris Te rogamus, audi nos.
Ut veram conversionem morum secundum regulam S. Benedicti nobis largiri digneris, Te rogamus, audi nos.
Ut disciplinam monasticam in nobis augere et conservare digneris, Te rogamus, audi nos.
Ut continuum in virtutum acquisitione profectum nobis concedere digneris, Te rogamus, audi nos.
Ut ordinem nostrum amplificare et tueri digneris, Te rogamus, audi nos.
Ut perseverantiam in tuo sancto servitio nobis donare digneris, Te rogamus, audi nos.
Ut in hora mortis nostrae per merita S. P. Benedicti nos protegere, et ad vitam aeternam perducere digneris, Te rogamus, audi nos.

Pater Deus piissime, audi nos.
Fili Deus dulcissime, exaudi nos.
Spiritus S. Deus benignissime, miserere nobis.

Christe audi nos.
Christe exaudi nos.

Kyrie eleison.
Christe eleison.
Kyrie eleison,

V. Ora pro nobis S. P. Benedicte.
R. Ut digni efficiamur promissionibus Christi.

V. Oremus.
Omnipotens sempiterne Deus, qui per gloriosa Beati Benedicti Abbatis exempla, humilitatis nobis triumphale ostendisti iter: da, quaesumus, ut viam placitae tibi oboedientiae, per quam venerabilis ille Pater noster antecessit illaesus, nos praeclaris meritis, eius adiuti, sine errore sequamur.
Excita, quaesumus Domine in Ecclesia tua spiritum, cui Beatus Benedictus Abbas servivit: ut eodem nos repleti, studeamus amare quod amavit, et opere exercere, quod docuit: per Dominum N. Iesum Christum filium tuum, qui tecum vivit et regnat in unitate spiritus S. Deus : per omnia saecula saeculorum.
R. Amen.