Christe, eleison.
Kyrie, eleison.
Christe, audi nos.
Christe, exaudi nos.
Pater de caelis Deus, miserere nobis.
Fili, redemptor mundi Deus, miserere nobis.
Spiritus sancte Deus, miserere nobis.
Sancta Trinitas, unus Deus, miserere nobis.
Sancta Maria, ora pro nobis.
Sancta Dei Genetrix, ora pro nobis.
Sancta Virgo Virginum, ora pro nobis.
Sancte Antoni de Padua, ora pro nobis.
Sancte Antoni, Ordinis Minorum decus, ora pro nobis.
Sancte Antoni, lilium virginitatis, ora pro nobis.
Sancte Antoni, gemma paupertatis, ora pro nobis.
Sancte Antoni, forma obedientiae, ora pro nobis.
Sancte Antoni, speculum abstinentiae, ora pro nobis.
Sancte Antoni, vas redolens puritatis, ora pro nobis.
Sancte Antoni, stella splendens sanctitatis, ora pro nobis.
Sancte Antoni, ornamentum morum, ora pro nobis.
Sancte Antoni, pulchritudo paradisi, ora pro nobis.
Sancte Antoni, arca Testamenti, ora pro nobis.
Sancte Antoni, armarium divinarum Scripturarum, ora pro nobis.
Sancte Antoni, doctor veritatis, ora pro nobis.
Sancte Antoni, praedicator gratiae, ora pro nobis.
Sancte Antoni, exstirpator vitiorum, ora pro nobis.
Sancte Antoni, seminator virtutum, ora pro nobis.
Sancte Antoni, malleus haereticorum, ora pro nobis.
Sancte Antoni, pavor infidelium, ora pro nobis.
Sancte Antoni, consolator afflictorum, ora pro nobis.
Sancte Antoni, conscientiarum scrutator, ora pro nobis.
Sancte Antoni, martyr desiderio, ora pro nobis.
Sancte Antoni, terror daemonum, ora pro nobis.
Sancte Antoni, horror inferni, ora pro nobis.
Sancte Antoni, iugis patrator miraculorum, ora pro nobis.
Sancte Antoni, rerum deperditarum restitutor, ora pro nobis.
Propitius esto, parce nobis, Domine.
Propitius esto, exaudi nos, Domine.
Ab omni malo, libera nos, Domine.
Ab omni peccato, libera nos, Domine.
Ab insidiis diaboli, libera nos, Domine.
A peste, fame et bello, libera nos, Domine.
A morte perpetua, libera nos, Domine.
Per merita sancti Antonii, libera nos, Domine.
Per ardentissimum amorem sancti Antonii, libera nos, Domine.
Per propheticum spiritum sancti Antonii, libera nos, Domine.
Per ignitam praedicationem sancti Antonii, libera nos, Domine.
Per zelum martyrii sancti Antonii, libera nos, Domine.
Per integerrimam observantiam obedientiae, paupertatis et castitatis sancti Antonii, libera nos, Domine.
In die Iudicii, libera nos, Domine.
Peccatores, te rogamus, audi nos.
Ut ad veram paenitentiam nos perducere digneris, te rogamus, audi nos.
Ut ignem divini amoris in nobis accendere digneris, te rogamus, audi nos.
Ut patrocinio ac protectione sancti Antonii nos perfrui concedas, te rogamus, audi nos.
Ut meritis sancti Antonii veram contritionem, humilitatem, donum lacrimarum ac sanctam contemplationem tribuas, te rogamus, audi nos.
Ut intercessione sancti Antonii mundum, diabolum ac carnem nos perfecte relinquere facias, te rogamus, audi nos.
Ut sancti Antonii suffragiis se commendantibus in omni necessitate adesse digneris, te rogamus, audi nos.
Ut nos exaudire digneris, te rogamus, audi nos.
Fili Dei, te rogamus, audi nos.
Agnus Dei, qui tollis peccata mundi, parce nobis, Domine.
Agnus Dei, qui tollis peccata mundi, exaudi nos, Domine.
Agnus Dei, qui tollis peccata mundi, miserere nobis, Domine.
Christe, audi nos.
Christe, exaudi nos.
Kyrie, eleison.
Christe, eleison.
Kyrie, eleison.
Pater noster etc.
V. Et ne nos inducas in tentationem
R. Sed libera nos a malo.
V. Domine exaudi orationem meam.
R. Et clamor meus ad te veniat.
V. Oremus:
Ecclesiam tuam, Deus, beati Antonii Confessoris tui commemoratio votiva laetificet, ut spiritualibus semper muniatur auxiliis, et gaudiis perfrui mereatur aeternis.
Subveniat plebi tuae, quaesumus, Domine, praeclari Confessoris tui beati Antonii devota et iugis deprecatio, quae in praesenti nos tua gratia dignos efficiat, et in futuro gaudia donet aeterna.
O advocate singularissime, sancte Antoni! quando nunc ita dulciter complecteris suavissimum Iesulum, recommendes eidem languentem hanc animam pauperculam, et impetra, ut ipsam ab omni peccatorum sorde immaculatam et mundam conservare valeam, quatenus amore et amplexu amantissimi digna reddi mereatur. Per eundem Christum Dominum nostrum.
R. Amen.
Дивіться ще
Litaniae de Sancto Benedicto
Litaniae Sancti Ioseph
Magnificat