Litaniae de Sancto Antonio

Christe, audi nos.
Christe, exaudi nos.

Pater de caelis Deus, miserere nobis.
Fili, redemptor mundi Deus, miserere nobis.
Spiritus sancte Deus, miserere nobis.
Sancta Trinitas, unus Deus, miserere nobis.

Sancta Maria, sine peccato concepta, ora pro nobis.
Sancte Antoni de Padua, ora pro nobis.
Sancte Antoni, sacrarium caelestis sapientiae, ora pro nobis.
Sancte Antoni, speculum oboedientiae, ora pro nobis.
Sancte Antoni, cultor paenitentiae, ora pro nobis.
Sancte Antoni, sectator iustitiae, ora pro nobis.
Sancte Antoni, victor concupiscentiae, ora pro nobis.
Sancte Antoni, Crucis amantissime, ora pro nobis.
Sancte Antoni, lilium innocentiae, ora pro nobis.
Sancte Antoni, novum sidus Hispaniae, ora pro nobis.
Sancte Antoni, zelator Evangelii, ora pro nobis.
Sancte Antoni, praeco Verbi Dei, ora pro nobis.
Sancte Antoni, interpres Spiritus Sancti, ora pro nobis.
Sancte Antoni, malleus haereticorum, ora pro nobis.
Sancte Antoni, pavor infidelium, ora pro nobis.
Sancte Antoni, terror daemoniorum, ora pro nobis.
Sancte Antoni, exemplar perfectionum, ora pro nobis.
Sancte Antoni, gloria Minorum, ora pro nobis.
Sancte Antoni, germen apostolorum, ora pro nobis.
Sancte Antoni, illustrator peccatorum, ora pro nobis.
Sancte Antoni, doctor errantium, ora pro nobis.
Sancte Antoni, patrator miraculorum, ora pro nobis.
Sancte Antoni, consolator afflictorum, ora pro nobis.
Sancte Antoni, defensor innocentium, ora pro nobis.
Sancte Antoni, mutorum eloquium, ora pro nobis.
Sancte Antoni, daemoniorum effugator, ora pro nobis.
Sancte Antoni, captivorum liberator, ora pro nobis.
Sancte Antoni, infirmorum curator, ora pro nobis.
Sancte Antoni, mortuorum resuscitator, ora pro nobis.
Sancte Antoni, caecorum illuminator, ora pro nobis.
Sancte Antoni, rerum perditarum repertor, ora pro nobis.
Sancte Antoni, litigantium iustitiae defensor, ora pro nobis.
Sancte Antoni, semen caelestis puritatis, ora pro nobis.
Sancte Antoni, gemma paupertatis, ora pro nobis.
Sancte Antoni, amator apostolicae perfectionis, ora pro nobis.
Sancte Antoni, fornax caritatis, ora pro nobis.
Sancte Antoni, contemptor vanitatis, ora pro nobis.
Sancte Antoni, in mare periclitantium salus, ora pro nobis.
Sancte Antoni, omnium te invocantium adiutor, ora pro nobis.

Agnus Dei, qui tollis peccata mundi, parce nobis, Domine.
Agnus Dei, qui tollis peccata mundi, exaudi nos, Domine.
Agnus Dei, qui tollis peccata mundi, miserere nobis, Domine.

V. Christe, audi nos.
R. Christe, exaudi nos.

V. Ora pro nobis, beate Antoni.
R. Ut digni efficiamur promissionibus Christi.

V. Oratio:
Ecclesiam tuam, Deus, beati Antonii, confessoris tui, deprecatio votiva laetificet, ut spiritualibus semper muniatur auxiliis, et gaudiis perfrui mereatur aeternis. Per Christum Dominum nostrum.
R. Amen.