Litaniae de S. P. N. Francisco

Christe, audi nos.
Christe, exaudi nos.

Pater de caelis Deus, miserere nobis.
Fili Redemptor mundi Deus, miserere nobis.
Spiritus Sancte Deus, miserere nobis.
Sancta Trinitas, unus Deus, miserere nobis.

Sancta Maria immaculate concepta, ora pro nobis.
Sancta Maria, Advocata Seraphici Religionis, ora pro nobis.

Sancte Francisce Seraphice, ora pro nobis.
Sancte Francisce, Pater prudentissime, ora pro nobis.
Sancte Francisce, Patriarcha pauperum, ora pro nobis.
Sancte Francisce, despiciens mundum, ora pro nobis.
Sancte Francisce, exemplum paenitentiae, ora pro nobis.
Sancte Francisce, vincens mundi vitia, ora pro nobis.
Sancte Francisce, imitator Salvatoris, ora pro nobis.
Sancte Francisce, ferens Christi stigmata, ora pro nobis.
Sancte Francisce, Iesu characteribus insignite, ora pro nobis.
Sancte Francisce, norma castitatis, ora pro nobis.
Sancte Francisce, forma humilitatis, ora pro nobis.
Sancte Francisce, via errantium, ora pro nobis.
Sancte Francisce, medela infirmorum, ora pro nobis.
Sancte Francisce, columna Ecclesiae, ora pro nobis.
Sancte Francisce, fidei defensor, ora pro nobis.
Sancte Francisce, athleta Christi, ora pro nobis.
Sancte Francisce, propugnaculum militantium, ora pro nobis.
Sancte Francisce, scutum inexpugnabile, ora pro nobis.
Sancte Francisce, malleus haereticorum, ora pro nobis.
Sancte Francisce, conversio paganorum, ora pro nobis.
Sancte Francisce, erigens claudos, ora pro nobis.
Sancte Francisce, suscitans mortuos, ora pro nobis.
Sancte Francisce, mundans leprosos, ora pro nobis.
Sancte Francisce, exstirpator vitiorum, ora pro nobis.
Sancte Francisce, procurator divinae gratiae, ora pro nobis.

Agnus Dei, qui tollis peccata mundi, parce nobis, Domine.
Agnus Dei, qui tollis peccata mundi, exaudi nos, Domine.
Agnus Dei, qui tollis peccata mundi, miserere nobis, Domine.

V. Christe, audi nos.
R. Christe, exaudi nos.

Kyrie, eleison.
Christe, eleison.
Kyrie, eleison.

Pater noster etc.

V. Ora pro nobis, B. P. N. Francisce
R. Ut digni efficiamur promissionibus Christi.

V. Domine exaudi orationem meam,
R. Et clamor meus ad te veniat.

V. Oremus:
Extingue in nobis desiderium mundanarum rerum, omnipotens Deus, et intercedente beato Francisco Patre pauperum concede propitius, ut sorte nostra contenti in hoc saeculo aeterna fortius appetamus.
Omnipotens sempiterne Deus, infunde cordibus nostris studium castae humilitatis et humilis castitatis, ut imitando B. P. N. Franciscum tibi mundo corde et corpore serviamus.
Deus, cuius Ecclesia sanguine crevit fidelium, infunde propitius sancti Patris Francisci spiritum supplicibus tuis: ut vel sanguinem pro tui Nominis confessione profundere cupiamus, vel per obedientiae virtutem, gratam tibi de nobis victimam offeramus.
Domine Iesu Christe, qui frigescente mundo ad inflammandum corda nostra tui amoris igne, in carne beatissimi Patris nostri Francisci Passionis tuae sacra Stigmata renovasti: concede propitius, ut eius meritis et precibus crucem iugiter feramus, et dignos fructus paenitentiae faciamus. Qui vivis et regnas in saeculum saeculorum.
R. Amen.